ГУЛЧИНИ ҒАЗАЛ.Салмони Соваҷӣ

GULCHINI ҒAZAL.Salmoni Sovaҷӣ

Эй чини сари зулфат маъвои дили Салмон,

Маъвои ҳама дилҳо чун ҷойи дили Салмон.

Гар ишқи ту бо Салмон ин шева кунад охир,

Эй вой дили Салмон, эй вой дили Салмон.

Аз рўю лабат моро ҳам гулшакаре фармо,

Зеро ки зи ҳад бугзашт савдои дили Салмон.

Ҷону хираду динам бирбуд лаби лаълат,

Он рўз, ки мекардӣ яғмои дили Салмон.

Зулфат ба сарандозӣ дарбохт басе сарҳо,

Ё раб, ба сар андозаш дар пойи дили Салмон.

Бар ҳар тарафат халқе саргашта чу Салмонанд,

Лекин ту наегирӣ ҷуз пойи дили Салмон.