Лантуу хүү

Лантуухүүгийнсургамж

Бага насны хүүхдийг цахим ертөнцийн зохистой хэрэглээнд сургаж, түүний учруулж болох аюул, үр хөнөөлийг энгийн, хялбар хэлбэрээр олонд таниулах нь төслийн эхлэл байх болно. Уг төслийг “Лантуун дохио” ТББ санаачлан хэрэгжүүлж байгаа бөгөөд ямар нэгэн байгууллагын санхүүжилтгүй олон нийтийн дэмжлэгтэй эхлэж байгаа юм.

Төслийн зорилго, зорилт:

- Бага насны хүүхэд болон нийгмийн бүх давхаргын хүмүүст "Хүн худалдаалах гэмт хэрэг"-с урьдчилан сэргийлэх бодит мэдээллийг шинэлэг хэлбэрээр үр дүнтэй хүргэх.

- Хүн худалдаалах гэмт хэргийн хамгийн аюултай бөгөөд нууцлаг хэлбэр болох цахим ертөнцөд үйлдэгдэх гэмт хэргийн үр дагавар, хор хөнөөлийг олон нийтэд илүү таниулж урьдчилан сэргийлэх.

- Бага насны хүүхдүүдэд Лантуу хүүг таниулж аливаа нийгмийн хурц асуудлыг "Хүүхдийн хэлээр" үр дүнтэй сэрэмжлүүлж чаддаг мэдээллийн зэвсэг бий болгох.

- Хүүхдийг хүн худалдаалах болон бусад гэмт хэргээс хамгаалах бодитой ажил хийхийг төр засгаас шаардаж, тодорхой нөлөөллийн ажил явуулах.

- Лантуу хүү төслийг Монгол улсад амжилттай хэрэгжүүлэн улмаар олон улсын түвшинд "Сайн туршлага" болгон таниулах, олон улсын байгууллагатай хамтран ажиллах зэрэг болно.